«Космас, ракетабудаўніцтва, авіябудаўніцтва — вось тое, што нас цікавіць у Самары. Ракетабудаўніцтва ў вас на самым высокім узроўні», — сказаў Лукашэнка на сустрэчы з губэрнатарам Самарскай вобласьці Расеі Вячаславам Федарышчавым, паведаміла прэсавая служба.
Аляксандар Лукашэнка сказаў, што найбольш цікавы яму досьвед Самары ў будаўніцтве ракет.
У сваю чаргу Вячаслаў Федарышчаў паведаміў, што на сустрэчы дамовіліся аб супрацы Беларусі і Самарскай вобласьці ў сфэры новых тэхналёгіяў, у тым ліку бесьпілётных.
«У нас вельмі вялікія зачыны ў тэхналягічным лідэрстве ў розных галінах: і ў хіміі, і ў бесьпілётным складніку. Прычым гэты бесьпілётны складнік ня толькі ў небе — гэта бесьпілётныя тэхналёгіі, разьлічаныя на ўсе тыпы і віды прыладаў», — сказаў губэрнатар Самарскай вобласьці.
- 24 лютага 2022 году Расея пачала поўнамаштабнае ваеннае ўварваньне ва Ўкраіну, у тым ліку з тэрыторыі Беларусі.
- Рэжым Лукашэнкі падтрымаў Расею ў вайне.
- З пачатку ўварваньня, а таксама пазьней тэрыторыю Беларусі актыўна выкарыстоўвала расейскае войска для нанясеньня ўдараў па Ўкраіне, пазьней Беларусь пастаўляла Расеі пэўную вайсковую тэхніку.
- Беларусь і Расея таксама актывізавалі супрацу ў сфэры абароннай прамысловасьці — праз пэўны час пасьля пачатку вайны пэўныя беларускія прадпрыемствы пачалі выконваць расейскія замовы.
Форум