У вёсцы Войстам Смаргонскага раёну зьмянілі подпіс на мэмарыяле каля касьцёла, прысьвечаным ахвярам фашызму і камунізму.
Замест надпісу на польскай мове «ofiarom faszyzmu i komunizmu» цяпер цытата з Эвангельля. Таксама зьнікла фігура Багародзіцы, паведаміла выданьне katolik.life.
Гэта ня першы выпадак, калі ў Беларусі ліквідуюць памятныя знакі, зьвязаныя з антыкамуністычнай тэматыкай або нацыянальнай памяцьцю:
- у Менску прыбралі крыж у гонар ксяндза Вінцэнта Гадлеўскага;
- у Зэльве зьнесьлі помнік Ларысе Геніюш;
- у касьцёле ў Солах затынкавалі фрэску «Цуд над Віслай».