Ён шмат гадоў стаяў на амаль страчаных апорах, піша тэлеграм-канал «Спадчына» з спасылкай на беларускага турыста.
У 2022 годзе людзі прасілі Лідзкі райвыканкам хаця б закласьці цэглай небясьпечныя праёмы і разбураны прасьценак. Але чыноўнікі адмовілі, сказаўшы, што такі варыянт «можа нанесьці яшчэ большую шкоду культурнай каштоўнасьці».
Маёнтак у Дзікушках вядомы з XVIII стагодзьдзя. Сядзіба Мінейкаў была пабудаваная пры канцы 1930-х.
Як разбураюцца занядбаныя беларускія камяніцы
Капліца сядзібы «Ганута» (в. Ручыца, Вялейскі раён). Увосень 2020 году абвалілася адна зь дзьвюх пахавальных капліц XVIII стагодзьдзя на тэрыторыі сядзібы Агінскіх. Гады занядбаньня, адсутнасьць рамонту і толькі саматужныя спробы мясцовых жыхароў спыніць разбурэньне не ўратавалі помнік, нягледзячы на ягоны ахоўны статус. Адну з капліц летась пачалі аднаўляць.
Руіны замку ў Смалянах (Аршанскі раён). За апошнія гады абвалілася адна зь дзьвюх арак брамнай вежы замка пачатку XVII стагодзьдзя. Без кансэрвацыі помнік паступова руйнуецца.
Касьцёл у Зэмбіне (Барысаўскі раён). У красавіку 2022 году часткова абвалілася сьцяна мураванага касьцёлу 1809 году, які доўгія гады стаяў занядбаны. У сьнежні з касьцёлу зьнялі франтон, скульптуру і з дапамогай экскаватара пабурылі аварыйны ўчастак сьцяны.
Бэрнардынскі кляштар у Селішчы (Ушацкі раён). У 2023 годзе абрынулася частка сьцяны кляштарнага корпусу XVIII стагодзьдзя, які стаяў без кансэрвацыі цягам дзесяцігодзьдзяў.
Таксама ўлады не спыняюцца перад зносам старых камяніц, якія ня могуць ці ня хочуць аднаўляць. Апошнім часам такія паведамленьні прыходзілі з Заслаўя, Воршы, Смалян, Горадні і іншых мясьцінаў Беларусі.
Форум